/
Miðasala Þjóðleikhússins

Við tökum vel á móti þér í miðasölu leikhússins

 

Miðasala leikhússins á netinu er alltaf opin. Miðasala í leikhúsinu er opin virka daga kl. 14-18, um helgar kl. 11-18 og fram að sýningu sýningardaga.

Við svörum í símann alla virka daga frá klukkan 10:00 – 18:00 og á sýningardögum til kl 20:00.  Hægt er að kaupa staka miða og gjafakort hér á vefnum.

Kaupa gjafakort

Spjallþjónusta er opin alla virka daga frá 10-18 og um helgar frá 11:00 fram að sýningu.

 

Það er sáraeinfalt að kaupa miða á vefnum.
Kaupa miða

 


Veit
ingasala Þjóðleikhússins 

Veitingar er hægt að panta fyrirfram og handhægt að gera það í sömu andrá og miðar eða leikhúskort eru keypt. Ef pantað er í gegnum miðasölu verður að gera það  með a.m.k. tveggja sólarhringa fyrirvara.

 

Veitingar fyrir hópa

Hópurinn þinn getur borið fram sérstakar óskir um veitingar. Sendu okkur línu á midasala@leikhusid.is og við sníðum veitingar fyrir hópinn að þínum óskum.

 

SJÁ MATSEÐIL

Gjafakort  Þjóðleikhússins.
Þrjár gjafir í einni!

Tilhlökkun, upplifun og ógleymanlegar minningar

Þjóðleikhúsið býður upp á spennandi tilboð á gjafakortum.  Nú getur þú fært þeim sem þér þykir vænt um þrjár gjafir í einni. Tilhlökkun, upplifun og ógleymanlegar minningar.

 

Sjá nánar

Leikhúskortið veitir þér alls konar fríðindi

Það margborgar sig að vera með kort!

  • Þitt sæti á sýningarnar sem þig langar mest að sjá
  • Gjafakort á sérkjörum þegar þú vilt gleðja aðra
  • Afsláttur af bókum í leikhúsbókabúðinni okkar
  • Sérstök tilboð send út af og til
  • SMS áminningar um sýningardaga
  • Ef sýningardagsetning hentar ekki þá aðstoðum við þig við að finna nýja dagsetningu.
Sjá nánar

Aðgengi

Bílastæði í nágrenni Þjóðleikhússins eru m.a. við vesturenda aðalbyggingarinnar, við Lindargötu og Sölvhólsgötu. Gjaldfrjálst er í þau stæði eftir kl 18. Stórt bílastæði ráðuneyta á milli Lindargötu og Sölvhólsgötu er opið almenningi á kvöldin og um helgar. Bílastæðahúsin Traðarkot við Hverfisgötu 20, gegnt Þjóðleikhúsinu, og Kolaportið undir Seðlabankanum eru opin til kl. 24:00 alla daga. Bílahús Hörpu er opið allan sólarhringinn.

Sjá nánar um aðgengi fyrir hreyfihamlaða hér að neðan.

 

Aðgengi og bílastæði fyrir hreyfihamlaða

Stóra sviðið og Leikhúskjallarinn

Sérmerkt bílastæði fyrir hreyfihamlaða eru hægra megin við aðalinngang við Hverfisgötu og þaðan er rampur niður að lyftuhúsi á austurhlið hússins sem er opnað klst. fyrir allar sýningar.* Lyftan tengir allar hæðir áhorfendarýmis leikhússins. Salerni er í Kjallara og á 2. hæð. Stæði fyrir hjólastóla eru ókeypis. Nánari upplýsingar  og bókanir hjá miðasölu í s. 551 1200 og á vefnum leikhusid.is.

Stæði fyrir hjólastóla í Stóra salnum eru hvort sínu megin við 6. bekk (1. hæð). Veitingaþjónusta er á 1. hæð og á Kristalsal á 2. hæð.

Kassinn

Sérmerkt bílastæði er fyrir framan aðalinngang Kassans við Lindargötu. Lyfta er utan á húsinu, vinstra megin við tröppur. Salerni á sömu hæð og svið. Stæði fyrir hjólastóla er á fyrsta bekk. Stæði fyrir hjólastóla eru ókeypis. Nánari upplýsingar og bókanir hjá miðasölu í s. 551 1200og á vefnum leikhusid.is.

Litla sviðið

Litla sviðið er í sama húsi og Kassinn við Lindargötu. Aðgengi fyrir hreyfihamlaða er á vesturhlið hússins, ekið er að húsinu neðan frá Sölvhólsgötu, um bílastæði ráðuneyta, að inngangi inni í horni hússins. Ekki er beint aðgengi að salerni úr salnum, en unnið er að úrbótum. Gott er að hafa samband við miðasölu í s. 551 1200 þegar ferð á Litla sviðið er fyrirhuguð, og starfsfólk leikhússins tekur á móti þér. Stæði fyrir hjólastóla er við aftasta bekk. Stæði fyrir hjólastóla eru ókeypis. Nánari upplýsingar og bókanir hjá miðasölu í s. 551 1200 og á vefnum leikhusid.is.

*Sérmerkt bílastæði eru einnig inn á bílastæðalóð leikhússins. Aðgengi að þeim er um Lindargötu. Til að nýta þau þarf að gera vakstjóra viðvart og rá inn á bílastæði verður opnuð. Ef lyftuhúsið er lokað eða einhver vandamál koma upp er hægt að gera vaktstjóra viðvart.
Sími vaktsjóra: 620 1182.

 

 

Textun og tónmöskvar

Tónmöskvar eru í Stóra salnum fyrir heyrnarskerta. Nánari upplýsingar um tónmöskva má fá í miðasölu. 

Textun á ensku og íslensku á 7. sýningu verka á Stóra sviðinu (Ekki málið, Mútta Courage, Edda, Frost, Eltum veðrið).

Táknmálsaðgengi. Í samstarfi við Ástbjörgu Rut Jónsdóttur og Hraðar hendur táknmálstúlka býður leikhúsið upp á táknmálsaðgengi að ákveðnum leiksýningum, sem auglýstar eru sérstaklega.

/
Stóra sviðið
Gert er ráð fyrir hjólastólum á tveimur stöðum í sal Þjóðleikhússins, hvoru megin við 6. bekk. (sjá mynd) Aðgengi að Stóra sviði Þjóðleikhússins fyrir fólk í hjólastólum eða aðra hreyfihamlaða er á austurhlið hússins. Þaðan er hægt að komast á 1. hæð (aðgengi fyrir hjólastóla inn í sal), 2. hæð (veitingaþjónusta á Kristalsal og salerni), og niður í Þjóðleikhúskjallara. Lyftuhúsið er alltaf opið fyrir sýningar. Salerni fyrir fatlaða eru á 2. hæð, austan megin, til hægri þegar komið er úr lyftu en einnig eru salerni fyrir hreyfihamlaða í Þjóðleikhúskjallara.
Yfirlitsmynd
  • Salur
  • Svalir
505 sæti
/
/
SVIÐ
Kassinn
Merkt bílastæði er beint fyrir utan Kassann. Lyfta er vinstra megin við tröppur. Salur og salerni er á sömu hæð og inngangur. Kassinn við Lindargötu 7 tekur 137 gesti.
Yfirlitsmynd
  • Salur
  • Svalir
137 sæti
/
/
Litla sviðið
Litla sviðið (áður Kúlan) er í kjallara við Lindargötu 7. Salurinn tekur 104 gesti, en á barnasýningum getur hann rúmað allt að 120 gesti ef setið er á dýnum á gólfinu. Aðkoma fólks í hjólastólum er frá bílastæði við vesturhlið hússins. Hringt er í vaktstjóra s. 620-1183 til að opna hurð sem liggur beint inn á áhorfendapall. Athugið að ekki er aðgengi að salerni fyrir fólk í hjólastólum á Litla sviðinu.
Yfirlitsmynd
  • Salur
  • Svalir
80 sæti
/
/
KJALLARINN
Nú hefur Leikhúskjallarinn verið tekinn í gegn og honum gefið nýtt yfirbragð. Gamall sjarmi og ögrandi ferskleiki mætast og til verður nýr og spennandi vettvangur fyrir list augnabliksins. Aðgengi að Þjóðleikhúskjallara er um lyftuhús á austurhlið, líkt og á Stóra sviðið. Tvö sérmerkt bílastæði eru aðgengileg frá Hverfisgötu. Rampur er að lyftu sem er alltaf opin fyrir sýningar í Kjallara. Aðgengi að salerni er um lyftu.
Yfirlitsmynd
  • Salur
  • Svalir
112 sæti
/
/
SVIÐ

Nær heil öld frá því að grunnur hússins var tekinn

Grunnurinn að Þjóðleikhúsbyggingunni var tekinn árið 1929, á tímum þar sem ekki var hugað að aðgengi fyrir hreyfihamlaða að opinberum byggingum með sama hætti og nú. Á síðari árum hefur verið lögð mikil áhersla á það í Þjóðleikhúsinu að bæta aðgengi fyrir fatlaða, þótt við viljum gera enn betur, og var mikilvægum áfanga náð haustið 2018 þegar nýtt lyftuhús var tekið í notkun fyrir gesti á Stóra sviðinu.

Við höldum áfram að bæta aðgengið og tökum með ánægju við ábendingum um það sem betur mætti fara í þessum efnum á leikhusid@leikhusid.is eða í miðasölu.

Aðvörun  – kveikjumerking (e. trigger warning)

Í leikhúsi er fjallað um ólíka kima tilveru okkar, og sú umfjöllun getur orðið ágeng. Við hvetjum þig til að hafa samband við okkur og fá nánari upplýsingar um tilteknar sýningar fyrirfram teljir þú að eitthvað í þeim gæti vakið upp óþægilegar tilfinningar eða valdið þér eða þínum uppnámi, midasala@leikhusid.is

Leikhúsbókabúðin

 

Í leikhúsbókabúð Þjóðleikhússins eru á boðstólum leikhúsbækur af öllu tagi á kostakjörum, þar má finna leikrit og leikritasöfn, bækur um leikhús og leikhúsfólk, fræðirit um fagið og skáldverk sem tengjast leiksýningum Þjóðleikhússins. Þar er einnig boðið upp á eigin útgáfu leikhússins á völdum nýjum leikritum og þýðingum.

 

SKOÐA BÓKABÚÐ
Skilmálar miðakaupa
Miðaverð leikárið 2023/2024
  • Almennt miðaverð á sýningar Þjóðleikhússins er 7.250 kr.
  • Frumsýningar: 9.900 – 15.900 kr.
  • Barnasýningar á Stóra sviðinu: 9.500 kr.
  • Barnasýningar á Litla sviðinu: 4.200 kr.
  • Kjallarinn: 3.200 kr., 3500kr., 4.200 kr. og 5.300 kr.
  • Forsýningar: 3.900 kr. – 5.900 kr.

Heimilt er að sitja undir börnum yngri en 2ja ára á sýningum á Stóra sviðinu. Á minni sviðum er slíkt ekki heimilt.

 

Leikhúskort

Kortagestir fá send sms-skilaboð til áminningar um sýningardag tveimur til þremur dögum fyrir sýningu.

Leikhúskort sem keypt er að hausti gildir það leikár, en rennur út í lok leikársins, að vori.

Kortagestir fá að auki 10% afslátt af almennu miðaverði.

Vinsamlega athugið að þegar leikhúskort eru keypt að hausti eru sýningardagar áætlaðir, en þeir geta breyst þegar nær dregur. Kortagestir eru því hvattir til að fylgjast með sýningum á vef leikhússins, leikhusid.is. Þar má finna réttar dagsetningar út frá sýningarnúmeri.

LEIÐBEININGAR VARÐANDI MIÐAKAUP

Farið yfir miðakaup

Vinsamlega farið vel yfir miðakaupin þegar þau eiga sér stað, dagsetningu, sætanúmer, tímasetningu og leiksvið. Það kemur fyrir að ekki er hægt að leiðrétta miðakaup eftir á.

Greiða þarf fyrir aðgöngumiða fyrir öll börn, undanskilið stóra sviðið má sitja undir barni 2ja ára og yngri.

Breytingagjald

Breytingagjald er 590kr. á öllum sýningum. Kortagestir hafa möguleika á að breyta kortasýningu einu sinni án endurgjalds.

Lokafrestur afpöntunar

Miði telst notaður hafi ekki verið afpantað eða breytt í síðasta lagi 48 tímum fyrir sýningu.

Endursala miða er óheimil

Ekki er heimilt að endurselja öðrum miða með fjárhagslegum hagnaði. Ef miði er seldur með fjárhagslegum hagnaði fyrir annan aðila en aðstandanda viðburðar, þá áskilur Þjóðleikhúsið sér rétt til að ógilda miðann.

Viðburður fellur niður

Ef viðburður fellur niður þá eru eigendum miða boðnir sambærilegir miðar á nýja dagsetningu eða full endurgreiðsla á miða.

Dagsetningu viðburðar breytt

Ef dagsetningu viðburðar er breytt, þá færast miðarnir sjálfkrafa á nýja dagsetningu. Ef ný dagsetning hentar ekki á kaupandi rétt á endurgreiðslu.

Endurgreiðsla vegna miðakaupa

Þegar þú hefur keypt miða/vörur hjá Þjóðleikhúsinu, í gegnum vefinn eða síma, hefur þú 14 daga frá miða eða vörukaupum til þess að falla frá kaupunum og óska eftir endurgreiðslu á miðum eða vörum. Þetta á hins vegar ekki við um beiðnir sem berast þegar minna en 14 dagar eru í viðburð. Miðar greiddir með gjafakortum fást ekki endurgreiddir.

Gjafakort

Almenn gjafakort Þjóðleikhúsins renna ekki út, en ef miðaverð hefur hækkað milli leikára eða gjafakort er notað á sýningu með hækkuðu miðaverði, þarf að greiða mismun. Gjafakort er ekki hægt að fá endurgreidd.

Sum gjafakort hafa hinsvegar ákveðinn gildistíma, en þá er það tekið fram á gjafakortunum.

Gjafakort gilda ekki á samstarfsverkefni eða gestaleiki í Leikhúskjallara.

Glatað gjafakort

Týnt gjafakort er tapað fé, en í einstaka tilfellum er hægt að rekja gjafakort í miðasölu.

Sendingargjald

Sendingargjald er 695 kr. fyrir heimsend gjafakort.

Fráteknir miðar

Miðar eru fráteknir í 7 daga – eftir það dettur frátektin út.

 

Áminning

Þjóðleikhúsið ábyrgist ekki sms og tölvupóst áminningar um sýningar. Það er á ábyrgð eiganda aðgöngumiða að halda utan um sýningardag og tíma. Við hvetjum kortahafa til að ganga úr skugga um að tenglaupplýsingar þeirra séu rétt skráðar hjá miðasölu. Ef upplýsingar eru ekki réttar getum við ekki ábyrgst að skilaboð tengd sýningum komist til miðahafa.

Leikhúskort

Í áskriftarkortum er ekki hægt að breyta um valin leikverk.

Leikhúskort sem keypt er að hausti gildir það leikár, en rennur út í lok leikársins, að vori.

Vinsamlega athugið að þegar leikhúskort eru keypt að hausti eru sýningardagar áætlaðir, en þeir geta breyst þegar nær dregur. Kortagestir eru því hvattir til að fylgjast með sýningum á vef leikhússins, leikhusid.is. Þar má finna réttar dagsetningar út frá sýningarnúmeri.

Opnunartími miðasölu

Miðasala Þjóðleikhússins er opin virka daga frá kl. 14 – 18 og til kl. 20.00 á sýningarkvöldum. Um helgar er miðasalan opin frá kl 11 – 18 og til kl 20:00 á sýningarkvöldum

Heimilisfang
Hverfisgata 19, 101 reykjavík
Sjá á korti
Sími