Vigdís Hrefna Pálsdóttir

Leikkona

Vigdís Hrefna leikur í Ronju ræningjadóttur, Samþykki og Súper í Þjóðleikhúsinu leikárið 2018-2019.

Nám

Vigdís útskrifaðist frá leiklistardeild LHÍ 2002 og lauk mastersprófi frá Royal Scottish Academy of Music and Drama í Glasgow.

Þjóðleikhúsið

Vigdís hefur verið fastráðin við Þjóðleikhúsið síðustu ár. Meðal nýlegra verkefna hennar í Þjóðleikhúsinu eru Gott fólk, Húsið, Álfahöllin, Heimkoman, Karitas, Sjálfstætt fólk, Eldraunin, Tveggja þjónn, Macbeth, Vesalingarnir, Heimsljós, Hreinsun, Lér konungur, Allir synir mínir, Hænuungarnir, Oliver, Ástin er diskó lífið er pönk, Macbeth, Sumarljós, Kardemommubærinn og Sædýrasafnið. Hún lék hér einnig í Með fullri reisn, Jóni Gabríel Borkmann, Norðri, Edith Piaf, Dýrunum í Hálsaskógi, Mýrarljósi og Skilaboðaskjóðunni.

Hún var aðstoðarleikstjóri í Horft frá brúnni.

Önnur leikhús og leikhópar

Vigdís Hrefna lék Auði í Litlu hryllingsbúðinni hjá LA, í Höllu og Kára og Grettissögu í Hafnarfjarðarleikhúsinu og Riddurum hringborðsins: Með veskið að vopni hjá Kvenfélaginu Garpi.

Verðlaun og viðurkenningar

Vigdís Hrefna var tilnefnd til Grímunnar - Íslensku leiklistarverðlaunanna fyrir leik sinn í Húsinu og Eldrauninni.