04. febrúar 2010
Höfuðlausn Jóhannesar
Gerpla verður frumsýnd á föstudaginn og eru Jóhannes Haukur og Björn Thors í hlutverki fóstbræðranna. Jóhannes nær ekki að lifa út sýninguna og er gerður höfðinu styttri. Þá er gott að hafa snillinga í leikmunadeildinni til að gera aukahöfuð og duga ekki minna en tvö. Annað nýhoggið. Hitt illa þefjandi og morkið enda maðkflugur náð að bera víur sínar í það. Lesa nánar
27. janúar 2010
Benedict Andrews valinn besti leikstjórinn á Sydney Theatre verðlaunahátíðinni
Hinn heimsþekkti leikstjóri Benedict Andrews mun setja á svið Lé konung eftir Shakespeare í Þjóðleikhúsinu um næstu jól. Hann á að baki fjölda rómaðra uppsetninga í Ástralíu og Berlín, og hefur hlotið margvísleg verðlaun. Nú á dögunum var enn ein rósin að bætast í hnappagat leikstjórans, en sýning hans á War of The Roses hjá Sydney Theatre var valin besta leiksýning ársins á Sydney Theatre Awards, auk þess sem Benedict Andrews var valinn besti leikstjóri ársins. Lesa nánar
20. janúar 2010
Sindra silfurfiski boðið á Bibu barnaleikhúshátíðina
Bibu barnaleikhúshátíðin er haldin annað hvert ár og þarna kemur saman barnaleikhúsfólk víða að úr veröldinni. Það er mikil upphefð fyrir Sindra og aðstandendur hans að vera boðið á hátíðina en Sindri hefur í vetur heillað leikhúsgesti frá eins árs aldri til tíræðs. Lesa nánar
