Lára Jóhanna Jónsdóttir

Leikkona

Lára Jóhanna leikur í Óvini fólksins og Efa í Þjóðleikhúsinu leikárið 2017-2018.

Lára Jóhanna útskrifaðist frá leiklistardeild Listaháskóla Íslands vorið 2010. Síðan þá hefur hún leikið í fjölmörgum verkum, bæði í Þjóðleikhúsinu og Borgarleikhúsinu. 

Í Þjóðleikhúsinu hefur Lára Jóhanna leikið í Horft frá brúnni, Góðu fólki, Húsinu og Álfahöllinni. Hún lék hér Maríönnu í Í hjarta Hróa hattar, Stellu í Sporvagninum Girnd og Elí í Hleyptu þeim rétta inn í Þjóðleikhúsinu. 

Hún lék í ýmsum sýningum í Borgarleikhúsinu, meðal annars Gauragangi, Enron, Ofviðrinu og Eldhafi. Hún lék Dóróteu í Galdrakarlinum í Oz.

Lára lék í kvikmyndunum Lof mér að falla, Undir trénu og Roklandi og í sjónvarpsþáttunum Heimsendi. 

Lára Jóhanna var tilnefnd til Grímunnar fyrir leik sinn í Sporvagninum Girnd.