Þú ert hér: Þjóðleikhúsið /

Skoppa og Skrítla í "söng-leik"

eftir Hrefnu Hallgrímsdóttur

Leiksýning þeirra Skoppu og Skrítlu sló rækilega gegn á síðasta leikári  og var ein vinsælasta sýningin í Þjóðleikhúsinu það árið og var tilnefnd til Grímuverðlaunanna sem besta barnasýningin. Skoppa og Skrítla ferðuðust líka til Kaupmannahafnar, Afríku og Bandaríkjanna en var sýningin valin sem athyglistverðasta barnasýningin í New York af tímaritinu Time Out. Í þessari nýju sýningu fá Skoppa og Skrítla liðsauka en nokkrir dansarar á aldrinum 9-16 ára taka þátt og bregða sér í hin ýmsu gervi. Sýningin ferðast um mörg heimsins höf og verða margar kunnar persónur á veginum þar á meðal Frelsistyttan í New York, Englandsdrottning og sjálfur Shakespeare. Sem fyrr er sýningin hugsuð fyrir yngstu leikhúsgestina sem enn eru að æfa sig að koma í leikhús en hún hentar börnum frá
9 mánaða til 6 ára. 

Miðaverð á sýninguna er 1500 kr. en greiða þarf fyrir alla áhorfendur - unga sem aldna

Ath. miðar sem eru keyptir á netinu eru afhentir við innganginn í Kúluna.