Íslensk leikritun og höfundastarf

Þjóðleikhúsið leggur ríka áherslu á höfundastarf og eflingu íslenskrar leikritunar. Við tökum við hugmyndum og handritum á öllum stigum og höfum að markmiði að gera íslenska leikritun framúrskarandi. Þjóðleikhúsið starfar með íslenskum höfundum með ýmsum hætti og leitast við að styðja og hvetja leikskáld á öllum aldri.

Skil á hugmynd eða handriti

Höfundar eru hvattir til að senda leikhúsinu hugmynd, drög eða fullskrifuð verk til lestrar.
Hugmynd/handritsdrögum skal fylgja:
• Handrit eða eitt eða fleiri atriði úr verkinu.
• Stutt lýsing á verkinu (1-2 bls.), þar sem fram kemur persónufjöldi, atburðarás og ætlunarverk höfundar.
• Ferilskrá.
Handrit, hugmyndir eða drög skulu send á netfangið leikritun@leikhusid.is 
Leikhúsið sendir staðfestingu á móttöku handrits, og svarar höfundi innan fjögurra mánaða í samræmi við samning Þjóðleikhússins og RSÍ.

Nýtt íslenskt verk á fjölum Þjóðleikhússins

Aðdragandi þess að nýtt íslenskt verk er tekið til sýninga í Þjóðleikhúsinu getur verið með ólíku móti:
• -Leikhúsið kaupir tilbúið verk af höfundi.
• -Leikhúsið ræður höfund til að skrifa fyrir leikhúsið, "verk í smíðum". Höfundur vinnur þá í samvinnu við leikhúsið að þróun leikverks út frá hugmynd og handritsdrögum sem hann hefur lagt fram. Sjá nánar í samningi Þjóðleikhússins og Rithöfundasambands Íslands.