Leikarar
KasperHallgrímur Ólafsson
JesperSverrir Þór Sverrisson (Sveppi)
JónatanOddur Júlíusson
Soffía frænkaSteinunn Ólína Þorsteinsdóttir
Bastían bæjarfógetiÖrn Árnason
Frú BastíanRagnheiður Steindórsdóttir
Tobías í turninumÞórhallur Sigurðsson
LjóniðErnesto Camilo Aldazabal Valdes
BakariÓlafía Hrönn Jónsdóttir
RakarinnSnæfríður Ingvarsdóttir
Berg kaupmaðurGunnar Smári Jóhannesson
Syversen sporvagnsstjóriHildur Vala Baldursdóttir
PylsugerðarmaðurBjarni Snæbjörnsson
SilíusHákon Jóhannesson
SirkuslistamaðurNicholas Arthur Candy- DansariRebecca Hidalgo
- DansariAuður Finnbogadóttir
- DansariFanný Lísa Hevesi
- Kamilla Bergþóra Hildur Andradóttir
- Kamilla Vala Frostadóttir
- TommiArnaldur Halldórsson
- TommiJón Arnór Pétursson
- Börn og dýr í KardemommubæAlba Mist Gunnarsdóttir
- Börn og dýr í KardemommubæAron Gauti Kristinsson
- Börn og dýr í KardemommubæBjarni Gabríel Bjarnason
- Börn og dýr í KardemommubæEdda Guðnadóttir
- Börn og dýr í KardemommubæHafrún Arna Jóhannsdóttir
- Börn og dýr í KardemommubæHilmar Máni Magnússon
- Börn og dýr í KardemommubæHrafnhildur Hekla Hólmsteinsdóttir
- Börn og dýr í KardemommubæÍsabel Dís Sheehan
- Börn og dýr í KardemommubæJórunn Björnsdóttir
- Börn og dýr í KardemommubæKaja Sól Lárudóttir
- Börn og dýr í KardemommubæKatla Borg Stefánsdóttir
- Börn og dýr í KardemommubæKári Jóhannesarson
- Börn og dýr í KardemommubæLísbet Freyja Ýmisdóttir
- Börn og dýr í KardemommubæMaría Pála Marcello
- Börn og dýr í KardemommubæMikael Köll Guðmundsson
- Börn og dýr í KardemommubæSteinunn Lóa Lárusdóttir
- Börn og dýr í KardemommubæTelma Ósk Bergþórsdóttir
- Börn og dýr í KardemommubæTinna Hjálmarsdóttir
- Börn og dýr í KardemommubæVilhjámur Árni Sigurðsson
- Börn og dýr í KardemommubæYlfa Blöndal Egilsdóttir
Listrænir stjórnendur
- Höfundur
Thorbjörn Egner
- Þýðing
Hulda Valtýsdóttir - Þýðing söngtexta
Kristján frá Djúpalæk - Leikstjórn
Ágústa Skúladóttir
- Tónlistarstjórn
Karl Olgeir Olgeirsson - Danshöfundur
Chantelle Carey - Leikmynd
Högni Sigurþórsson - Búningar
María Th. Ólafsdóttir - Lýsing
Ólafur Ágúst Stefánsson - Leikgervi
María Th. Ólafsdóttir og Valdís Karen Smársdóttir
- Sýningarstjórn
Elín Smáradóttir og María Dís Cilia - Aðstoðarleikstjóri
Brynhildur Karlsdóttir - Leikgervadeild
Ingibjörg G. Huldarsdóttir deildarstjóri, Valdís Karen Smáradóttir (yfirumsjón), Þóra Guðbjörg Benediktsdóttir, Tinna Ingimarsdóttir - Búningadeild
Berglind Einarsdóttir deildarstjóri, Ásdís Guðný Guðmundsdóttir, Leila Arge, Hjördís Sigurbjörnsdóttir, Sigurbjörg Stefánsdóttir, Ingveldur Elsa Breiðfjörð - Umsjón með börnum
Aníta Rós Þorsteinsdóttir, Anna Róshildur Benediktsdóttir, Arngunnur Hinriksdóttir
Thorbjörn Egner
Norski listamaðurinn Thorbjörn Egner fæddist í Osló 12.
desember árið 1912 og lést á aðfangadag árið 1990. Hann var afar fjölhæfur
listamaður, fékkst við myndlist og samdi ljóð, sögur, leikrit og tónlist. Hann
er einna þekktastur fyrir leikrit sín Dýrin í Hálsaskógi, Kardemommubæinn og
Karíus og Baktus, en hann sendi einnig frá sér fjölda bóka, myndskreytti bækur
og vann margskonar barnaefni fyrir útvarp. Hann lét til sín taka á ýmsum sviðum
barnamenningar, og sá meðal annars um útgáfu lestrarbóka fyrir börn.
Leikrit Thorbjörns Egners hafa notið mikilla vinsælda á
Íslandi í sex áratugi, eða allt frá því að Kardemommubærinn var frumsýndur í
Þjóðleikhúsinu árið 1960. Egner þótti afar vænt um þær góðu viðtökur sem verk
hans hlutu hér á landi, og hann tengdist Þjóðleikhúsinu og starfsfólki þess
nánum böndum. Kardemommubærinn er nú settur upp í Þjóðleikhúsinu í sjötta sinn,
en sýningin er jafnframt 70 ára afmælissýning Þjóðleikhússins.
Myndlist, leikrit, sögur, ljóð og lög
Allt frá barnæsku lifði Egner í heimi sagna, myndlistar,
tónlistar og leiklistar, eða eins og hann sagði sjálfur: „Að yrkja ljóð og
vísur og leika tónlist og teikna og mála og setja upp leikrit er það sem ég hef
haft mest gaman af allt frá því að ég man eftir mér, ég hef kannski alltaf
verið nokkurs konar „klifurmús“.“
Egner ólst upp í Osló, en foreldrar hans ráku litla
nýlenduvöruverslun á fyrstu hæð í húsinu þar sem fjölskyldan bjó. Í bakgarðinum
var hesthús, heyloft og vagnskýli og þar gátu börnin sýnt leiksýningar og
spilað í hljómsveit. Á sumrin dvaldi Egner á bóndabæ hjá skyldfólki sínu og í
mörgum verkum sínum styðst hann við minningar frá æskuárunum í Osló og í
sveitinni.
Egner lærði teiknun og hönnun og vann fyrst í stað við að
teikna og mála. Hann myndskreytti bækur fyrir börn og fullorðna, og þótti góður
grafíklistamaður. Hann vakti þó fyrst verulega athygli með þátttöku sinni í
barnatímum í útvarpi á fimmta og sjötta áratugnum. Hann samdi sögur, vísur,
tónlist og leikrit fyrir útvarp, og söng sjálfur lög og las sögur. Hann
eignaðist brátt stóran hóp aðdáenda, og mikið af því efni sem hann vann fyrir
útvarp varð honum síðar innblástur fyrir bækur og leikrit.
Thorbjörn Egner hóf að senda frá sér barnabækur árið 1940.
Hann myndskreytti sjálfur bækur sínar og þóttu teikningar hans sérlega
skemmtilegar. Segja má að hann hafi slegið í gegn sem höfundur með Karíusi og
Baktusi, sem kom út á bók árið 1949 en hafði áður verið flutt í útvarpi.
Dýrin í Hálsaskógi (Klatremus og de andre dyrene i Hakkebakkeskogen)
fylgdi í kjölfarið á bók árið 1953 og Kardemommubærinn (Folk og røvere i
Kardemomme by) árið 1955. Þessi þrjú verk, sem síðar urðu leikrit, eru
vinsælustu verk Egners, en hann sendi einnig frá sér fjölda annarra bóka.
Kardemommubærinn var frumsýndur á leiksviði í Noregi árið
1956 en það var á Íslandi sem Dýrin í Hálsaskógi voru fyrst frumsýnd á
leiksviði, hér í Þjóðleikhúsinu þann 16. nóvember árið 1962. Tveimur vikum
seinna var verkið svo frumsýnt í Kaupmannahöfn. Verkið hafði áður verið sýnt sem
brúðusýning í Oslo Nye Teater haustið 1959. Karíus og Baktus var fyrst flutt
sem útvarpsleikrit árið 1946. Leikrit Egners eru sett upp reglulega í Noregi og
víðar á Norðurlöndum, og hafa verið leikin víða um heim.
Egner hannaði leikmyndir og búninga við fyrstu uppsetningar
á verkum sínum, og leikstýrði nokkrum uppfærslum á eigin verkum.
Brúðukvikmyndir Ivo Caprinos frá árinu 1955 sem voru byggðar
á Karíusi og Baktusi og Dýrunum í Hálsaskógi nutu mikillar hylli og gerð var
kvikmynd byggð á Kardemommubænum árið 1988. Ný teiknimynd byggð á Dýrunum í
Hálsaskógi kom út árið 2016.
Egner þýddi barnaefni og tók saman margar lestrarbækur fyrir
börn. Hann var vel að sér um gömul hús og sendi frá sér rit um þau efni. Hann
ferðaðist um Norðurlöndin og Miðjarðarhafslöndin, og skoðaði þar byggingar sem
urðu svo fyrirmyndir að barnateikningum hans.
Norðmenn kunna vel að meta verk Egners, barnabækur, leikrit,
hljómplötur, lestrarbækur, teikningar og fleira. Í Kristiansand Dyrepark hefur
verið reistur sérstakur Kardemommubær , þar sem börn og fullorðnir geta spókað
sig meðal persónanna úr verkinu. Egner vann til fjölda verðlauna fyrir bækur
sínar og tónlist og hann hefur verið heiðraður á margvíslegan máta í Noregi.
Mikilvægt að lesa fyrir börnin
Egner og Anna kona hans kynntust þegar þau voru átján ára.
Hún var alla tíð hans helsti samverkamaður og Egner segir að Anna og börnin
þeirra hafi verið hans bestu hjálparmenn, gefið honum ráð og veitt honum
innblástur. Þegar börnin voru ung höfðu foreldrarnir fyrir sið að lesa fyrir
þau á kvöldin. „Ég er þeirrar skoðunar að það hafi mikla þýðingu að lesa
upphátt fyrir börn,” sagði Egner. „Þá upplifa stórir og smáir veröld bókanna
saman og tala saman um efni þeirra. Svona kvöldstundir held ég að leggi
grunninn að trausti og samheldni sem getur varað allt fram eftir unglingsárunum
og kannski um alla framtíð. Þetta eykur orðaforða barnanna og nærir
hugmyndaflug þeirra og sköpunargleði.”
Þegar Egner var spurður að því hvaða kröfur hann gerði til
barnasýninga, svaraði hann: „Ég vonast fyrst og fremst til þess að leikritið
veki spennu, og skemmti stórum sem smáum og gleðji þá. En ég óska þess að á bak
við skemmtilega atburðarásina finni fólk dýpri merkingu, áminningu um að enginn
er bara hetja og enginn er bara skúrkur. Og við verðum að sættast á það að við
manneskjurnar erum svolítið ólíkar – og við verðum að reyna að skilja hvert
annað.”
Egner var eitt sinn spurður að því hvaða persónu í
Hálsaskógi hann líktist mest. Hann svaraði því til að honum væri oft líkt við
Bangsapabba, en að hann myndi líka gjarna stundum vilja vera Lilli klifurmús.
Thorbjörn Egner og Þjóðleikhúsið
Þjóðleikhúsið og Thorbjörn Egner tengjast sérstökum böndum.
Verk hans hafa verið samofin starfi Þjóðleikhússins í um sex áratugi, eða allt
frá því að Kardemommubærinn var frumsýndur hér árið 1960. Skáldskapur Egners
rataði beint að hjarta íslenskra barna, og fyrsta uppfærslan á verkinu naut svo
mikilla vinsælda að hún var sett aftur á svið árið 1965. Síðan þá hefur verkið
verið sett upp með reglulegu millibili, eða árin 1974, 1984, 1995 og 2009, og
nú er væntanleg ný sýning árið 2020.
Leikrit Egners Dýrin í Hálsaskógi hefur einnig notið afar
mikilla vinsælda í Þjóðleikhúsinu, og hefur verið sett á svið fimm sinnum hér,
árin 1962, 1977, 1992, 2003 og 2012. Tvö önnur leikrit eftir Thorbjörn Egner
hafa verið sýnd í Þjóðleikhúsinu, Síglaðir söngvarar árið 1968 og Karíus og
Baktus árin 2001 og 2013.
Allt frá fyrstu sýningunni á Kardemommubænum áttu
Þjóðleikhúsið og Thorbjörn Egner gott og náið samstarf. Egner gerði leikmynd og
búninga þegar Kardemommubærinn, Dýrin í Hálsaskógi og Síglaðir söngvarar voru
fyrst sýnd hér í Þjóðleikhúsinu. Leikmynda- og búningateikningar Egners voru
notaðar við nýjar uppfærslur á verkum hans hér fyrstu 25 árin frá frumuppfærslu
Kardemommubæjarins. Leikstjóri allra Egner-sýninganna hér í Þjóðleikhúsinu á
þeim tíma var Klemenz Jónsson.
Egner kom oft til Íslands, og tengdist mörgum hér
vináttuböndum. Fyrst kom hann vorið 1961 og sá lokasýningu á frumuppfærslunni á
Kardemommubænum. Hann hafði fylgst með velgengi sýningarinnar, séð myndir og
heyrt upptökur og orðið svo ánægður að hann hafði óskað eftir því að haldin
yrði veisla í Þjóðleikhúsinu fyrir alla sem höfðu unnið að sýningunni á
Kardemommubænum, og að hún yrði kostuð af höfundarlaunum hans. Veislan var
haldin með glæsibrag og var Egner að sjálfsögðu boðið í veisluna. Árið 1963
sýndi Egner Íslendingum rausnarskap að nýju með því að verðlauna tvo íslenska
leikara, Klemenz Jónsson og Bessa Bjarnason „fyrir ágætan leik og leikstjórn í
leikritum hans, er þau voru sýnd í Þjóðleikhúsinu. ” Guðlaugur Rósinkranz
þjóðleikhússtjóri afhenti verðlaunin fyrir hönd höfundarins. Klemens Jónsson
hafði þá leikstýrt frumuppfærslum bæði á Kardemommubænum og Dýrunum í
Hálsaskógi og hlaut hann verðlaunin fyrir leikstjórnina. Bessi Bjarnason hlaut
verðlaunin fyrir „mjög skemmtilega túlkun á Mikka ref í Dýrunum í Hálsaskógi.”
Egner kom einnig til landsins árið 1965 þegar frumuppfærslan
var tekin til sýninga að nýju. Egner var mjög ánægður með sýninguna og svo vænt
þótti honum um viðtökur verka sinna á Íslandi að hann gaf Þjóðleikhúsinu
höfundarréttartekjur af þeim í hundrað ár, með þessum orðum í gjafabréfi til
Þjóðleikhússins árið 1965: „Og derfor vil jeg gjerne – i håb om at Kardemomme
og Hakkebakkeskogen kommer til å bli spilt enda mange ganger i årene framover
når nye barn vokser til – at Þjodleikhusid for de kommende hundre år skal ha
opførelsesrettighetene for Island til begge mine komedier og at alle
forfatterhonorarer for Kardemommubærinn og Halsaskogi i fremtiden går til
stipendier elle andre formål som kan være til glede for teatret.“ Egner kom
aftur til Íslands árið 1975, á 25 ára afmæli Þjóðleikhússins, og sá
Kardemommubæinn að nýju. Við þetta tækifæri voru í fyrsta sinn veittir styrkir
úr Egnersjóði, en úr honum eru veittir styrkir til að efla leiklistarstarfsemi
fyrir börn og ungt fólk, og til leikhúsfólks sem hefur unnið að því að auðga
barnaleikhús. Höfundarréttargreiðslur vegna sýninga á verkum Egners á Íslandi
renna í sjóðinn.
Egnersund
12. september 2019 samþykkti Borgarráð tillögu Ara
Matthíassonar þjóðleikhússtjóra um að gatan sem liggur á lóð Þjóðleikhússins vestan
megin við leikhúsið, og tengir Hverfisgötu og Lindargötu, yrði nefnd Egnersund
í höfuðið á Thorbjörn Egner. Í rökstuðningi sem fylgdi tillögunni sagði Ari
Matthíasson þjóðleikhússtjóri: „Ekkert leikskáld hefur verið Þjóðleikhúsinu
jafn gjöfult og Thorbjörn Egner og ekkert leikskáld hefur laðað fleiri börn í
leikhúsið en hann. Það væri því sómi að því að sundið milli Þjóðleikhússins og
Þjóðmenningarhússins fengi nafn Egners sem hefur verið mikill velgjörðarmaður
íslensks leikhúss.“
Verk Egners á íslensku
Í Þjóðleikhúsinu hafa verið leikin fjögur leikrit eftir
Thorbjörn Egner, Kardemommubærinn, Dýrin í Hálsaskógi, Karíus og Baktus og
Síglaðir söngvarar.
Sagan um Karíus og Baktus kom út á bók á Íslandi árið 1954,
og í kjölfarið fylgdu Fólk og ræningjar í Kardemommubæ og Lilli klifurmús og
hin dýrin í Hálsaskógi.
Sýning Þjóðleikhússin á Kardemommubænum var hljóðrituð í Ríkisútvarpinu árið 1963 og gefin út á hljómplötu.
Sýning Þjóðleikhússins á Dýrunum í
Hálsaskógi var sömuleiðis hljóðrituð í Ríkisútvarpinu árið 1966 og gefin út á
hljómplötu.
Karíus og Baktus hafa einnig komið út á hljómplötu, geisladiski og
hljóðbók.
Síglaðir söngvarar voru hljóðritaðir í Ríkisútvarpinu árið 1973 og
komu út á geisladiski ásamt Karíusi og Baktusi. Verkstæði jólasveinanna kom út
á hljómplötu og síðar á geisladiski.
Sýning Þjóðleikhússins árið 2004 á Dýrunum í Hálsaskógi kom
út á mynddiski.
Tónlistin úr sýningu Þjóðleikhússins árið 2012 á Dýrunum í
Hálsaskógi kom út á geisladiski.
Ný, norsk brúðumynd byggð á Dýrunum í Hálsaskógi kom út á mynddiski
með íslenskum texta árið 2016.
Melkorka Tekla Ólafsdóttir
Ferilskrár barnanna í sýningunni
Kári
Jóhannesarson
Kári hefur leikið
í Framleiðendunum og Xanadú sem Nemendamótsnefnd Verzlunarskóla Íslands setti
upp. Einnig æfði hann
samkvæmisdansa hjá Dansskóla Reykjavíkur í 5 ár og fimleika hjá Fjölni og
Ármanni í 3 ár.
Ísabel Dís
Ísabel steig fyrst á svið í atvinnuleikhúsi í
uppfærslu Borgarleikhússins á Söngleiknum Matthildi, þar sem hún lék
titilhlutverkið. Ísabel stundar nám á fyrsta ári við
Leiklistarskóla Borgarleikhússins og æfir jazzballett hjá Danslistarskóla JSB.
Hún hefur sótt fjölda leiklistarnámskeiða bæði hjá Sönglist og Leynileikhúsinu
frá sjö ára aldri. Hún hefur komið fram í auglýsingum í sjónvarpi og Stundinni okkar. Ísabel hefur áður æft fimleika hjá Gróttu í
þrjú ár og ballett í Ballettskóla Eddu Scheving í fjögur ár. Hún er skapandi og
lífsglöð 11 ára stelpa, mikill húmoristi sem hefur gaman að því að koma fólki
til að hlæja.
Edda Guðnadóttir
Edda tók þátt í uppfærslu á Matthildi og Bláa hnettinum
í Borgarleikhúsinu. Hún hefur líka leikið í mörgum auglysingum og stuttmyndum
t.d. útmeða, Hagkaup og Vís. Annars hefur Edda æft dans í mörg ár með Dans
Brynju Péturs og í danskóla Chantelle Cary. Edda hefur komið fram á ýmsum
hátíðum tengt dansi og leiklist t.d. Barnamenningahátíð, á Fiskideginum á
Dalvík, Menningarnótt, Samfés. Edda elskar að leika og dansa og ætlar sér
að verða leikkona.
Vilhjálmur Árni
Vilhjálmur leikur Zúmma í
Skoppu og Skrítlu og tók þátt í uppsetningu á 15 ára afmælissýningu Skoppu og
Skrítlu í Eldborg, Hörpu veturinn 2019. Vilhjálmur var í úrslitum
söngkeppninnar Jólastjörnunnar 2019 og kom fram á tónleikunum Jólagestir
Björgvins það ár. Vilhjálmur er fæddur 2008
og hefur stundað nám í gítarleik hjá Tónsölum frá sex ára aldri. Vilhjálmur
æfir áhaldafimleika hjá Gerplu og stundar hestamennsku með fjölskyldunni.
Arnaldur
Arnaldur fór með hlutverk Lars í
söngleiknum Matthildi sem sýnt var í Borgarleikhúsinu 2019. Sama ár tók hann
þátt nokkrum senum í Vorsýningu MÍT í Háskólabíói. Í lok árs 2018 setti
Arnaldur ásamt vini sínum Mattíhasi upp söngleikinn Gosa þar sem þeir sáu um
allan undirbúning, léku öll hlutverk og leikstýrðu verkinu sjálfir. Þeir færðu Barnaspítala
Hringsins allan ágóða af sýningunum og sýndu styttri útgáfu af henni fyrir
börnin þar. Arnaldur hefur komið fram í nokkrum
sjónvarpsþáttum þ.á.m. Stundinni okkar, Sögum-Verðlaunahátið barnanna og Skoppu
og Skrítlu. Þar að auki hefur hann talsett teiknimyndir og þáttaraðir. Arnaldur var valinn Jólastjarnan 2017
í söngkeppni á Stöð 2 og fékk í kjölfarið tækifæri til að syngja fyrir fullum
sal á jólatónleikum Björgvins Halldórssonar í Hörpunni. Hann vann til bronsverðlauna í
flokknum söngur og dans í úrslitakeppni “Dance World Cup 2019” og var í
kjölfarið boðið
á lokað námskeið hjá hinum virta “Arts Educational School“ í London. Arnaldur stundar nám við
Leiklistarskóla Borgarleikhússins, er í einkatímum í söng og framkomu hjá Siggu
Eyrúnu og æfir dans í Sviðslistaskóla Chantelle Carey (Chantelle Carey- School
of Performing Arts).
Alba Mist
Alba
Mist mun þreyta frumraun sína á sviði í Kardemommubænum í Þjóðleikhúsinu. Alba
hefur alla tíð haft mikinn áhuga á leik, söng og dansi og hefur tekið þátt í
skólaleikritum og danssýningum í nokkrum löndum. Þrátt fyrir ungan aldur hefur
Alba búið í Svíþjóð, Frakklandi, Þýskalandi og Danmörku. Hún hefur lært öll
tungumálin, þroskast hratt og tekið áskorunum með opnum huga. Alba tók þátt í sumarnámskeiði Borgarleikhússins í sumarfríi sínu á Íslandi
árið 2019. Alba er handboltastelpa og hefur stundað handbolta frá unga aldri.
Mikael Köll
Mikael hóf leikhúsferilinn sinn 6 ára
gamall sem Herra Níels í Línu Langsokk í uppfærslu Borgarleikhússins. Þar lék
hann í fjölskyldusýningunni Bláa hnettinum áður en hann steig á svið
Þjóðleikhússins sem grádvergur, rassálfur og yrðlingur í Ronju Ræningjadóttur.
Mikael hefur einnig komið fram í óperuuppfærslu á Töfraflautunni og á
Jólatónleikum Siggu Beinteins. Mikael lék Snorra, eitt af
aðalhlutverkunum í Flateyjargátunni sem
var sýnd á RÚV 2018. Auk þess hefur hann leikið í
Áramótaskaupinu, í herferð gegn einelti með Á allra vörum, í sjónvarpsröðinni Pabbahelgar sem og ýmsum
auglýsingum, meðal annars fyrir Arion Banka, N1, Mussila og Toyota. Mikael æfir ballett í Listdansskóla
Íslands og stepp- og söngleikjadans í Chantelle Carey School of Performing
Arts. Í sumar 2019 tók hann í fyrsta skiptið
þátt á Dance World Cup og hlakkar til að keppa aftur sem einn af fulltrúum
Íslands árið 2020.
María Pála
María Pál er fædd í september 2007. Hún er í Smáraskóla, þar sem hún lék Línu Langsokk í
samnefndu leikriti, við mikla hrifningu viðstaddra. María Pála lék Hugrúnu í söngleiknum
Matthildi í Borgarleikhúsinu. "Nú er boltinn hjá þér"
heitir auglýsing um enska boltann hjá Sjónvarpi Símans, þar sem María Pála fór
með aðalhlutverk. María Pála var í Suzuki-fiðlunámi í
sex ár og hefur verið í jazzballett hjá Jazzballettskóla Báru frá árinu 2012. Eftir að hún fór á steppdansnámskeið
má iðulega sjá hana steppa hvar sem tækifæri gefst til.
Bergþóra Hildur
Bergþóra Hildur Andradóttir er í 5. bekk í Laugarnesskóla. Hún syngur í Barnakór Vídalínskirkju, undir stjórn Jóhönnu Guðrúnar og Davíðs Sigurgeirssonar. Hún æfir dans í Dansskóla Brynju Péturs og hefur einnig farið á leiklistarnámskeið hjá Sönglist í Borgarleikhúsinu. Þá hefur hún jafnframt æft knattspyrnu og frjálsar íþróttir.
Bergþóra Hildur söng með Barnakór Vídalínskirkju í Jólastundinni okkar árið 2016. Hún lék svo og söng í sama þætti árið 2019 og kom fram í Áramótaskaupinu það ár. Bergþóra Hildur fær nú tækifæri til að leika Kamillu í Kardemommubænum í Þjóðleikhúsinu.
Telma
Ósk
Telma hefur æft fimleika í Gerplu í 9 ár. Hún æfir dans hjá Chantelle og tók þátt í söngleikjanámskeiðinu
We Will Rock you. Hún var í Sönglist frá 2015-2019 og hefur farið á
nokkur söngleikjanámskeið hjá Draumum. Hún er með grunnpróf í píanó og er í söngnámi í Tónsölum. Hún æfir skák og hefur mjög gaman af spilum. Hún er mikill dýravinur. Æfir dans hjá Plié.
Hafrún Arna
Hafrún Arna lék aðalhlutverk í stuttmyndinni XY, var
aukaleikari í kvikmyndinni Gullregn og þáttaröðinni Ráðherrann. Hafrún hefur
einnig leikið í auglýsingu fyrir KFC, RÚV og Örnu mjólkurvinnslu. Hún dansaði
og lék í Jólastundinni okkar 2018 og er ungur fréttamaður hjá RÚV. Hafrún æfir dans og sviðslistir hjá
Chantelle Carey – School of performing arts og hefur tekið þátt í mörgum
verkefnum á vegum skólans. Hafrún er einnig á listdansbraut í Danslistarskóla
JSB.
Kaja Sól
Kaja Sól dansar Street dans hjá Brynju
Péturs og einnig er hún að æfa Hjá Chantelle Carey og Dilly. Kaja sól fór
sumarið 2019 til Portúgals og keppti á Dance world cup. Hún
bjó í Kaupmannahöfn og dansaði þar Street dance í bæði í Danseplaneten og öðrum
skóla sem heitir Hotstepper. Hún var í nokkrum lokuðum hópum sem dönsuðu á
viðburðum og fór með keppnishóp sumarið 2018 á Evrópumeistaramót í Street dance
sem var haldin í Þýskalandi, keppnin heitir UDO og Þar náðu þau 3 sæti.
Jórunn Björnsdóttir
2009-2012 Ballettskóli
Guðbjargar. 2013- Danskompaní. 2015 Söng- og leiklistarnámskeiðið Draumar 2018 Lék Nölu í uppsetningu Danskompaní á
„Konungur Ljónanna“ 2019 Dance World Cup – Portúgal (Dúett –
Macavity – enduðu í 5.sæti í Portúgal) 2019 We Will Rock You – Rokksmiðja hjá Chantelle 2019 Rosina Andrews – Elite Summerschool. Jórunn æfði á hljóðfæri í Tónlistarskóla
Reykjanesbæjar (fyrst flautu, svo fiðlu og að lokum píanó) frá 6. ára aldri
fram til 11 ára aldurs.
Katla Borg
Katla Borg er 12 ára gömul og hefur
verið í leiklist, söng og dans hjá Chantelle og var í Sönglist í
Borgarleikhúsinu í 2 ár. Hún hefur leikið í tónlistarmyndbandi hjá
hljómsveitinni Of Monsters and Man. Hún lék sem aukaleikari í lokaverkefni í
kvikmyndagerð í Borgarholtsskóla. Katla Borg dansaði í söngleikjasprengju
MÍT 2019. Katla Borg er í framhaldshóp hjá
Chantelle þar sem hún æfir steppdans, jazz technique, ballett, söngleikja dans
og leiklist og söng. Þetta er fyrsta hlutverk Kötlu Borgar
í leikhúsum landsins. Þetta er langþráður draumur.
Jón
Arnór
Jón Arnór er fæddur árið 2006 og hefur
víðtæka reynslu tengdri leiklist og annars konar sviðslist. Jón Arnór byrjaði í
Söngskóla fimm ára gamall og var síðar í listhópi hjá Sönglist. Sjö ára gamall
tók Jón Arnór þátt í Ísland Got Talent þar sem hann endaði í öðru sæti sem
töframaður. Í framhaldinu fylgdu töfrasýningar um allt land. Einnig var honum
boðið til Þýskalands til að taka þátt hæfileikaþættinum Superkids sem sýndur
var í þýska ríkissjónvarpinu. Fyrsta stóra leiklistarverkefni Jóns Arnórs var í
fyrstu þáttaröð af Ófærð, þar sem hann lék Magga litla. Síðan þá hefur hann
leikið í kvikmyndum, sjónvarpsþáttum og auglýsingum ásamt því að hafa talsett
sjónvarpsefni. Jón Arnór fór með hlutverk Níelsar í söngleiknum Matthildi í
Borgarleikhúsinu. Fyrir utan leiklist og töfra spilar Jón Arnór á gítar og æfir
fótbolta með Fjölni.
Ylfa
Ylfa hefur margoft komið fram
í sjónvarpi m.a. leikið í Jólastundinni okkar (2016-2018) og stuttmyndinni Súru
baununum, dansað í beinni útsendingu á RÚV á Sögum - verðlaunahátíð barnanna og
söng og dansaði í gleðigöngunni á vagni Gunna og Felix á Hinsegin dögum 2019. Ylfa hefur sótt ýmis námskeið hjá Leynileikhúsinu og
Draumum, æft karate, lært á píanó og sungið með barnakór Vídalínskirkju. Ylfa hefur æft jazzballett síðan hún var lítið stýri
æfir nú dans og söngleik hjá Dansskóla Birnu Björns. Hún hefur tekið þátt í
mörgum sýningum á vegum skólans en þetta er frumraun hennar á stóra
sviðinu.
Lísbet
Freyja
Lísbet Freyja lék í sýningunni Matthildi í Borgarleikhúsinu á leikárinu 2018 til 2019 og
hefur komið fram á ýmsum viðburði tengdum sýningunni. Lísbet
hefur einnig leikið í Sögustund á Krakka Rúv og var ein af ungum kynnum á
Menningarhátið barnanna á Rúv árið 2019. Lísbet
Freyja lék aðalhlutverk í stuttmyndinni “Engir draugar” eftir Ragnar Snorrason
og var hún valin besta leikkonan fyrir það hlutverk á Canberra
stuttmyndahátðiðinni í Ástralíu árið 2017. Lísbet
hefur einnig setið fyrir og leikið í auglýsingum og komið fram sem blómastelpa
við opinberar athafnir. Lísbet
Freyja hefur æft áhaldafimleika hjá Gróttu frá unga aldri og tekið ýmiss dans,
söng og leiklilstar námskeið meðal annars hjá Sönglist og Leynileikhúsinu.
Tinna
Hjálmarsdóttir
Tinna er í 7. bekk í Hofsstaðaskóla í Garðabæ. Hún lék í Ronju ræningjadóttur á síðasta leikári og tók
þátt í Dance World Cup í Portúgal síðastliðið sumar með dans- og söngatriði á
vegum Dansskóla Birnu Björns. Hún hefur tekið þátt í sýningum hjá leikfélaginu Draumum
frá fimm ára aldri, sumarnámskeiði hjá Sönglist og æft dans hjá Dansskóla Birnu
Björnsdóttur síðastliðin ár. Meðfram leiklist og dansi æfir Tinna fimleika með
Stjörnunni, allt af mikilli ástríðu.
Vala Frostadóttir
Vala er í
Austurbæarskóla en stundaði nám við Ísaksskóla fram að níu ára aldri en þar er
lögð mikil áhersla á söng og framkomu. Hún söng meðal annars með kór Ísaksskóla
og Barna- og unglingakór Hallgrímskirkju undir stjórn Ásu Valgerðar
Sigurðardóttur. Með skólanum stundaði Vala balletnám í Balletskóla Eddu
Scheving. 2013 lék Vala
Sigga Sæta í nokkrum upptökum hjá Latabæ. Árið 2015 tók
vala þátt í Ísland got Talent með bekkjarsystrum sínum og gekk þeim bara nokkuð
vel. Hún hefur sótt
leiklístarnámskeið hjá Leynileikhúsinu og söngnámskeið í Söngskóla Maríu
Bjarkar. Vala lék í útvarpsleikritinu
Svefngrímur í leikstjórn Guðjóns Petersen sem flutt var í Útvarpsleikhúsinu
árið 2015 og í Áramótaskaupi Sjónvarpsins í leikstjórn Jóns Gnarr árið 2016.
Undanfarið ár hefur Vala leikið Öldu í Matthildi í uppsetningu
Borgarleikhússins 2019.
Hrafnhildur Hekla
Hrafnhildur Hekla hefur leikið í Ronju ræningjadóttur í uppfærslu
Þjóðleikhússins. Hún hefur æft áhaldafimleika hjá Gróttu og Fylki, verið í
dansi hjá DWC og á Listdansbraut JSB. Einnig hefur hún verið í barnakór
Langholstkirkju.
Aron Gauti
Aron Gauti hefur tekið
tekið þátt í leiklistarstarfi í nokkur ár. Síðasta vor tók hann þátt í Þjóðleik
og lék í sýningunni Iris. Hann tók þátt í Hlustunarpartýi Ásrúnar Magnúsdóttur
í Kúlunni veturinn 2017-2018. Aron hefur verið í dansi í DansKompaní í fimm ár
og tekið þátt í mörgum stórum sýningum þar sem hann hefur bæði leikið og
dansað. Hann er núna að undirbúa sig fyrir undankeppni Dance World Cup í
Hörpunni. Aron Gauti æfir líka fótbolta með Keflavík og hefur gert frá fimm ára
aldri. Kardemommubærinn er fyrsta verkefni
Arons í atvinnuleikhúsi.
Hilmar Máni
Hilmar Máni er
rétt rúmlega 10 ára og hefur leikið í Billy Elliot, Medeu og Söngleiknum
Matthildi í Borgarleikhúsinu og leikur nú Remó í Kardemommubænum hér í
Þjóðleikhúsinu. Máni hefur nokkrum sinnum leikið í Stundinni okkar og Jólastundinni okkar hjá
Rúv. Hann var einnig með í Sögum verðlaunahátíð barnanna á Rúv sem
aðstoðarmaður kynnis. Hann hefur leikið í auglýsingu fyrir Sumarlestur á vegum
Menntamálastofnunar og Rúv og leikið í Áramótaskaupinu. Hann hefur verið hluti af leikhópi Gunna Helga á Jólagestum
Björgvins síðan 2015. Máni hefur æft fótbolta bæði með Breiðabliki og HK, fimleika hjá Gerplu,
samkvæmisdans í Dansskólanum Hvönn og hip hop dans í Dansskóla Brynju
Péturs.
Bjarni Gabríel Bjarnason
Bjarni
Gabríel býr í Ártúnsholti og er nemandi í 6. bekk í Ártúnsskóla í Reykjavík. Bjarni
Gabríel æfir fótbolta með 5. flokki hjá Fylki og hefur hann æft frá því hann
var 5 ára gamall. Bjarni æfir einnig spretthlaup hjá Silju
Úlfars. Bjarni hefur verið að æfaParkour hjá Fylki, en áður æfði hann
fimleika hjá sama félagi. Bjarni æfði einnig ballett hjá Ballettskóla
Eddu Scheving í nokkur ár. … Bjarni tók nokkur söngnámskeið hjá
Söngskóla Maríu Bjarkar þegar hann var 4 og 5 ára. Bjarni
Gabríel tók þátt í Jólastjörnunni á Stöð 2 árið 2017 og í framhaldi tók hann
þátt í 4 sýningum af Jólagestum Björgvins Halldórssonar sem sýndar voru í
Hörpunni það sama ár. Bjarni Gabríel
hefur tekið þátt í Jólagestum síðan þá og komið fram í þessum árlegu tónleikum
bæði 2018 og 2019. Bjarni
Gabríel hefur síðastliðin ár sungið jólalög fyrir gesti Kringlunnar á
aðventunni, en hann hefur einnig komið fram og sungið í útvarpi og sjónvarpi. Bjarni
Gabríel hefur einnig komið fram og sungið fyrir hin ýmsu fyrirtæki og stofnanir
og árlega syngur hann fyrir hjúkrunarheimili höfuðborgarsvæðisins í desember. Bjarni
Gabríel á 6 systkini og er næstyngstur í röðinni. Hann
á lítinn hvítan dverg schnauzer hund sem heitir Nína og eru
þau miklir vinir enda dýr eitt af áhugamálum Bjarna. Bjarni
stundar skíði af kappi og hefur gert allt frá því að hann byrjaði að ganga.
Bjarni elskar að veiða og er þá bryggjuveiði á Hjalteyri, þar sem fjölskyldan á
hús, í uppáhaldi. Bjarni fékk fyrsta maríulaxinn sinn þegar hann var 4 ára á
flugustöng í Hrútafirði og hefur hann haft veiðidellu síðan. Bjarni
semur mikið af lögum og hefur tekið upp nokkur lög í stúdíói. Bjarni
hefur mikinn áhuga á tísku og íþróttum. Mottó: Ekki
láta aðra tala þig niður.. segðu bara við sjálfan þig: Mér gæt'ekki verið meira
sama! Segðu líka við sjálfan þig.. ég er ekki bara flottastur, ég er LANG
flottastur .. því þú ert það!
