María Th. Ólafsdóttir

María gerir búninga fyrir Ronju ræningjadóttur hér í Þjóðleikhúsinu leikárið 2018-2019.


María hefur gert búninga fyrir fjölda sviðsverka og sjónvarp.

María lauk BFA-námi frá Parsons School of Design árið 1991.

Verkefni hennar í Þjóðleikhúsinu eru Slá í gegn,  FjarskalandHleyptu þeim rétta inn, Ævintýri í Latabæ, Spamalot, Dýrin í Hálsaskógi, Vesalingarnir, Ballið á Bessastöðum, Oliver, Kardemommubærinn, Þrek og tár og West Side Story.

Verkefni hennar í Borgarleikhúsinu eru Blíðfinnur, Gosi, Mary Poppins, Hamlet, Lína Langsokkur og Blái hnötturinn.

María gerði búninga fyrir Don Giovanni, Rakarann frá Sevilla og Évgení Onegin í Íslensku óperunni. Hún gerði búninga fyrir Didó og Eneas og Poppeu hjá Sumaróperunni, Baldur hjá Íslenska dansflokknum, Óvita hjá Leikfélagi Akureyrar, Ávaxtakörfuna í þau þrjú skipti sem verkið hefur verið sett upp, Hárið og Hinn fullkomna jafningja í Gamla bíói, Skara skrípó, Á sama tíma að ári, Latabæ, Bangsimon, Benedikt Búálf, Grease og Bugsy Malone í Loftkastalanum, Banvænt samband á Njálsgötunni, Dísu ljósálf og Hafið bláa í Austurbæ, Góðar hægðir í Tjarnarbíói og Óþelló, Desdemónu og Jagó sem sýnt var í Borgarleikhúsinu. Hún gerði búninga fyrir Lazytown Pirates sem sýnt var af Limelight Prod. í London.

María var búningahöfundur fyrir 85 Lazytown sjónvarpsþætti, sem hafa verið sýndir um allan heim, og voru framleiddir af Lazytown Productions.

María gerði búninga fyrir kvikmyndirnar Veggfóður, Cold Fever, Maríu og Ávaxtakörfuna.

María er hönnuður og eigandi barnafatamerkisins As We Grow.

Hún hefur kennt við Listaháskóla Íslands og í hugmyndasmiðjum hjá Hugsjón.

Hún hefur tekið þátt í samsýningum í Gallerí Greip og Futurice, og var með einkasýningu á Þjóðminjasafni Íslands.

María hlaut Grímuna fyrir Gosa. Hún var tilnefnd til Grímuverðlaunanna fyrir búninga sína í Évgení Onegin, Mary Poppins, Vesalingunum, Hamlet og Hafinu bláa.