Sveinn Ólafur Gunnarsson

Leikárið 2017-2018

Sveinn Ólafur leikur í Föðurnum

veinn Ólafur Gunnarsson er fæddur 1976, borinn og barnfæddur Breiðhyltingur. Hann lærði íslensku og heimspeki í Háskóla Íslands og smitaðist illa af leiklistarbakteríunni í Stúdentaleikhúsinu.

Sveinn útskrifaðist frá leiklistardeild LHÍ árið 2006. Frá útskrift hefur Sveinn unnið jöfnum höndum á sviði, kvikmyndum og sjónvarpi. Af sviðsuppfærslum sem hann hefur tekið þátt í má nefna; Lífið,Segðu mér satt, Ofsi, Sjöundá, Fool for love, Illsku og Sóley Rós en fyrir þrjú síðastnefndu hlutverkin var hann tilnefndur til Grímuverðlauna fyrir leik í aðalhlutverki og aukahlutverki. 

Af leik í sjónvarpi og kvikmyndum má nefna þáttaröðina Pressu og kvikmyndirnar Vonarstræti,, Hrúta,Málmhaus, Á annan veg og Hjartastein. Fyrir leik sinn í þremur síðast nefndu kvikmyndunum var Sveinn Ólafur tilnefndur til Edduverðlauna sem besti leikari í aðal- og aukahlutverki.