Stefán Hallur Stefánsson

Leikari

Stefán Hallur leikur í Samþykki og leikstýrir Þínu eigin leikriti í Þjóðleikhúsinu leikárið 2018-2019.


Stefán Hallur hefur starfað með Þjóðleikhúsinu, Borgarleikhúsinu, Vesturporti, Vér Morðingjum, Aldrei óstelandi, Sokkabandinu, ART í Bandaríkjunum og CDN Orleans í Frakklandi. 

Stefán Hallur útskrifaðist frá leiklistardeild Listaháskóla Íslands árið 2006. 

Hjá Þjóðleikhúsinu hefur hann meðal annars leikið í Horft frá brúnni,  Góðu fólki, Í hjarta Hróa hattar, Hleyptu þeim rétta inn, ≈ [um það bil], Karitas, Sjálfstæðu fólki, Fjalla-Eyvindi, Ofsa (í samstarfi við Aldrei óstelandi), Eldrauninni, Hreinsun, Heimsljósi, Lé konungi, Heddu Gabler, Íslandsklukkunni, Gerplu, Brennuvörgunum, Sumarljósi, Bakkynjum, Legi, Óhappi, Baðstofunni, Þeim ljóta, Macbeth og Sædýrasafninu. 

Hann lék jafnframt í (90)210 Garðabær sem sýnt var í samstarfi við Leikfélagið Geirfugl.

Hann lék einleikinn Ég vil frekar að Goya haldi fyrir mér vöku en einhver djöfulsins fáviti sem sýndur var í samstarfi við ST/unu.

Stefán Hallur lék í Lúkasi og Sjöundá á vegum Aldrei óstelandi hér í Þjóðleikhúsinu, í Bastörðum hjá Vesturporti/LR, Hvörfum hjá Lab Loka, Enron hjá Leikfélagi Reykjavíkur, Mojito í Tjarnarbíói, Ritskoðaranum og Hér & Nú hjá Sokkabandinu, Penetreitor og Bubba Kóngi hjá Vér Morðingjum, Afgöngum hjá Austurbæ og Woyzeck hjá Vesturporti. 

Stefán Hallur hefur leikið í kvikmyndum og sjónvarpi, meðal annars í Pressu, Jóhannesi, Desember, Roklandi og Djúpinu.

Stefán Hallur leikstýrði Eftir lokin á vegum SuðSuðVestur í Tjarnarbíói og Litla prinsinum og Sögustund: Búkollu hér í Þjóðleikhúsinu.

Hann var aðstoðarleikstjóri í Jónsmessunótt, Tveggja þjóni, Macbeth, Fyrirheitna landinu, Englum alheimsins, Vesalingunum og Afmælisveislunni hér í Þjóðleikhúsinu. Hann var dramatúrg í Maður að mínu skapi hér í Þjóðleikhúsinu.

Hann hlaut Grímuna fyrir leik sinn í Góðu fólki, og var tilnefndur fyrir Ég vil frekar að Goya haldi fyrir mér vöku en einhver djöfulsins fáviti og ≈ [um það bil].

www.cargocollective.com/stefanhallur