Nicholas Arthur Candy

  • Nicholas-Arthur-Candy

Nick er sirkusstjóri í sirkussöngleiknum Slá í gegn hér í Þjóðleikhúsinu leikárið 2017-2018.

Nick útskrifaðist úr leiklistarskólanum WAAPA í Ástralíu árið 2004. Hann hefur starfað sem leikari og sirkuslistamaður í Perth, Sydney, Japan og á Íslandi.

Nick er einn af stofnendum Sirkus Íslands, sem var stofnaður árið 2007. Hann hefur leikstýrt og leikið í helstu sýningum sirkussins, ‘Stórasta Sirkus Íslands', ‘Heima er best', ‘Róló' og ‘Skinnsemi'. Nick stóð ásamt öðrum að því að koma upp fyrsta sirkustjaldi á Íslandi og hann  hefur ferðast sem sirkuslistamaður með tjaldinu um Ísland í þrjú sumur.

Í Ástralíu lék Nick hjá Black Swan State Theatre, Deckchair og Shakespeare W.A. Hann lék í þrjú sumur í Shakespearesýningum sem sýndar voru að kvöldlagi utan dyra. Einnig lék hann í áströlsku kvikmyndunum ‘Teesh and Trude' og‘Little Sparrows'.

Nick starfaði sem fimleikamaður og loftfimleikamaður með ‘Natural Wings' í Perth árin 2009-2012 þar sem hann kom fram í skemmtiatriðum, á hátíðum og loftfimleikasýningum. Nick, í samstarfi við  Natural Wings, er höfundur loftfimleikasýningarinnar ‘John Gavin' sem er byggð á atburðum úr sögu Vestur-Ástralíu. 

Nick lék í barnasýningunni Á eigin fótum árið 2017, en hún var tilnefnd til tvennra Grímuverðlauna.

Nick lauk meistaraprófi frá listkennsludeild Listaháskóla Íslands árið 2017 með áherslu á þróun sirkuskennslu á Íslandi. Lokaritgerð hans heitir ‘Stretching and Strengthening Circus Teaching in Iceland'.