Eygló Hilmarsdóttir

Eygló leikur í Jónsmessunæturdraumi í Þjóðleikhúsinu leikárið 2018-2019.

Eygló Hilmarsdóttir útskrifaðist af leiklistarbraut Listaháskóla Íslands vorið 2018. 

Í Listaháskólanum lék hún Vigdísi í útskriftarverkefni leikaranema, Aðfaranótt, í Kassanum í Þjóðleikhúsinu, Katrínu í útvarpsleikritinu Lík af aumingja og Dunyösju í Kirsuberjagarðinum. Hún tók þátt í útskriftarverkefnum sviðhöfunda, SHE með Sigurlaugu Söru Gunnarsdóttur, Hagaharmi eftir Sigurjón Bjarna Sigurjónsson og Klassapíum eftir Evu Halldóru Guðmundsdóttur.

Áður en Eygló hóf nám við skólann lék hún í Konubörnum í Gaflaraleikhúsinu og Höllu í kvikmyndinni Gauragangi. Eygló lék jafnframt í sýningum Herranætur í Menntaskólanum í Reykjavík, þar á meðal Títaníu álfadrottningu í Draumi á Jónsmessunótt.