Leikárið 2017-2018

Maður sem heitir Ove

  • Eftir Fredrik Backman
  • Leikstjórn Bjarni Haukur Þórsson

Bráðfyndinn og nístandi sænskur einleikur um sorg og gleði, einangrun og nánd

  • Verð 5.500 kr.
  • Lengd 1 klst. 25 mín.
  • Frumsýning 9.9.2017
  • Svið Kassinn
  • Maður sem heitir Ove

Einleikur Sigga Sigurjóns gekk fyrir fullu húsi allan síðasta vetur, fór í leikför og var sýndur víða um land. Nú gefast örfá tækifæri til að sjá þessa skemmtilegu og hrífandi sýningu.

Hinn 59 ára gamli Ove er reglufastur nákvæmnismaður sem að mati annarra íbúa úthverfisins er óþolandi smámunasamur og skapillur. En að mati hans sjálfs eiga hlutirnir einfaldlega að vera eins og þeir eiga að vera. Þegar ólétt kona að nafni Parvaneh flytur með fjölskyldu sína í götuna er eins og Ove byrji að missa tökin á öllu. Einleikurinn Maður sem heitir Ove er byggður á samnefndri skáldsögu sem notið hefur mikilla vinsælda.

Sigurður Sigurjónsson er einn af albestu leikurum þjóðarinnar. Í hlutverki Ove sýnir hann fádæma tækni og lipra tímasetningu

Fbl. S. J.

https://www.youtube.com/watch?v=gqop4TvmSxI

Nánar um verkið

Skáldsagan Maður sem heitir Ove (En man som heter Ove) eftir Fredrik Backman kom út í Svíþjóð árið 2012. Hún varð strax metsölubók, var þýdd yfir á fjölmörg tungumál og hefur komið út í yfir tuttugu löndum. Leikgerð skáldsögunnar var frumsýnd í ársbyrjun 2015 í Stokkhólmi í flutningi leikarans Johans Rheborgs og naut mikilla vinsælda. Fyrirhugaðar eru fleiri uppsetningar á verkinu í nokkrum löndum á vegum sænska
fyrirtækisins Thorsson Produktion AB og er sú næsta ráðgerð hjá Oslo Nye Teater í Noregi.

Sænsk kvikmynd byggð á verkinu var frumsýnd í árslok 2015 með Rolf Lassgård í aðalhlutverki. Kvikmyndin var tilnefnd til sex Guldbagge-verðlauna, meðal annars í flokknum mynd ársins, og hlaut Lassgård verðlaunin sem besti leikari í aðalhlutverki.

Höfundur verksins, Fredrik Backman, er fæddur árið 1981. Hann vakti fyrst athygli sem bloggari og dálkahöfundur. Fyrstu skáldsögur hans komu út samtímis árið 2012, Maður sem heitir Ove og Saker min son behöver veta om världen.

Á næstu tveimur árum komu út skáldsögurnar Min mormor hälsar och säger förlåt og Britt-Marie var här. Skáldsögur Backmans hafa notið mikillar hylli í Svíþjóð og hafa verið gefnar út á meira en tuttugu og fimm tungumálum. Nýjasta skáldsaga hans, Björnstad, kemur út nú í haust.

★★★★ „Þetta gengur allt upp …. þjóðargersemi fagnar fjörutíu árum á sviðinu“ Mbl.

 ★★★★ „túlkar Ove með framúrskarandi hætti … full ástæða til þess að hvetja leikhúsáhorfendur til þess að sjá þennan vel heppnaða einleik“ DV 

Aðstandendur

  • Leikarar Sigurður Sigurjónsson
  • Leikstjórn Bjarni Haukur Þórsson
  • Leikgerð Marie Persson Hedenius, Johan Rheborg og Emma Bucht
  • Tónlist Frank Hall
  • Hljóðmynd Kristján Sigmundur Einarsson, Frank Hall
  • Leikmynd Finnur Arnar Arnarson
  • Búningar Finnur Arnar Arnarson
  • Lýsing Magnús Arnar Sigurðarson
  • Höfundar Fredrik Backman

Næstu sýningar

  • Engin sýning framundan