Fyrri leikár



Sýningar

Leitin að jólunum

Sívinsæl aðventusýning fjórtanda árið í röð

Grímuverðlaunasýningin Leitin að jólunum hefur verið sýnd á aðventunni við miklar vinsældir allt frá því hún var frumsýnd árið 2005. Verkið er nú sýnt fjórtánda leikárið í röð og sýningar orðnar vel á fjórða hundrað.

Tveir skrýtnir og skemmtilegir náungar taka á móti litlum leikhúsgestum í anddyri Þjóðleikhússins. Með þeim í för eru tveir hljóðfæraleikarar og þessi fjörugi hópur leiðir börnin með leik og söng um leikhúsið. Börnin ferðast inn í ævintýraveröld jólanna og sjá leikþætti um jólin í gamla daga og á okkar tímum.

Jólasveinavísur Jóhannesar úr Kötlum fléttast inn í ævintýrið, með tónlist eftir Árna Egilsson.