Fyrri leikár



Sýningar

Kynfræðsla Pörupilta

Hlátur og skemmtun í bland við eldfimt efni

Hugmyndin að þessu verkefni er sú að bjóða unglingum að koma í leikhúsið, hlæja og hafa gaman og um leið vonandi að fræðast um þetta eldfima en skemmtilega efni. Undanfarin fjögur ár hefur sýningin lagst mjög vel í áhorfendur og hafa nemendur og kennarar verið á einu máli um að hún hafi verið í senn fyndin og fróðleg.

Pörupiltar eru þrjár leikkonur sem klæða sig upp í karlmannsgervi og slógu í gegn með uppstandið Homo Erectus í Þjóðleikhúskjallaranum fyrir nokkurm árum, þar sem þeir fjölluðu um samskipti kynjanna og náðu vel til þeirra ungmenna sem komu á sýninguna. Nú hafa þær hjálpað unglingunum að feta sig á hálum vegi kynlífsins og gert það með húmor og gleði.