Fyrri leikár



Sýningar

Efi - dæmisaga

Margverðlaunað og spennandi verk um mörkin í mannlegum samskiptum, tortryggni, grunsemdir og nístandi óvissu.

Skólastýra í kaþólskum barnaskóla í New York leggur áherslu á aga og strangleika. Öll viðleitni í átt til nútímalegra skólastarfs er henni á móti skapi. Dag einn tjáir hún ungri kennslukonu að sig gruni að prestur í kennarahópnum eigi í óeðlilegum samskiptum við einn af skólapiltunum. Kennarinn neitar öllum ásökunum, en getur hann sannað að hann hafi hreinan skjöld?  

Leikritið Efi sló í gegn þegar það var frumsýnt í New York árið 2004 og hefur verið sett upp við miklar vinsældir víða um heim. Verkið hlaut Pulitzer-verðlaunin, Tony-verðlaunin, Drama Desk-verðlaunin, New York Drama Critic´s Circle-verðlaunin og Obie-verðlaunin sem besta leikrit ársins. Kvikmynd byggð á leikritinu var tilnefnd til fjölda Óskarsverðlauna.

Rígheldur leikhúsgestum, skemmtir og hreyfir við

 ... Prýðistækifæri til að sjá framúrskarandi leikarahóp flytja af öruggu listfengi vel uppbyggt og alvörugefið verk.

MBL, ÞTi

 

Leikarar í sýningunni ræða um verkið:

https://www.youtube.com/watch?v=f-7_7lQWdiM

Viðtal við höfund tónlistarinnar, Veigar Margeirsson:

https://www.youtube.com/watch?v=DkUzr9Dp_BA

Viðtal við Stefán Baldursson leikstjóra og Þórunni Sigríði Þorgrímsdóttur, leikmynda- og búningahöfund:

https://www.youtube.com/watch?v=5ut0x-Y8wOM