Allt leikárið

Aðfaranótt

  • Eftir Kristján Þórð Hrafnsson
  • Leikstjórn Una Þorleifsdóttir

Lokaverkefni leikarabrautar sviðslistadeildar LHÍ, nýtt íslenskt verðlaunaverk

  • Lengd 1:35 ekkert hlé
  • Frumsýning 11.5.2018
  • Svið Kassinn

Þetta er stórskemmtileg sýning og ætti skilið að ganga í allt sumar.

TMM, SA

Tíu sýningar í Kassanum 11.-25. maí. Aðgangur ókeypis en panta þarf miða.

Leikritið Aðfaranótt bar sigur úr býtum í leikritasamkeppni sviðslistadeildar Listaháskóla Íslands og Félags leikskálda og handritshöfunda um leikrit fyrir útskriftarárgang leikarabrautar.

Leiðir nokkurra ungra manneskja liggja saman eitt laugardagskvöld á skemmtistað í Reykjavík. Langanir og væntingar, óuppgerð mál, innibyrgð reiði, nýjar og fornar ástir. Glösin fyllast og tæmast, og smám saman bresta hömlurnar. Áður en nóttin er liðin er ein af þessum ólíku manneskjum dáin og önnur með mannslíf á samviskunni. Nærgöngul rannsókn á margvíslegum birtingarmyndum árásargirninnar í samskiptum fólks. Kraftmikið verk um myrkrið og ljósið, fullt af óvæntum, beittum húmor.

Með því að efna til leikritasamkeppni vill sviðslistadeild LHÍ efla íslenska leikritun. Mikilvægt er fyrir leikaraefni að takast á við ný, íslensk verk sem endurspegla samtíma þeirra, og spreyta sig á hlutverkum sem eru skrifuð sérstaklega fyrir þau.

Átta leikarar munu útskrifast með B.A.-gráðu í leiktúlkun eftir að hafa lokið þriggja ára námi sem veitir nauðsynlegan grunn í fræðilegri þekkingu og tæknilegri hæfni til að takast á við störf í fagumhverfi sviðslista samtímans. 

Lokaverkefni leikarabrautar sviðslistadeildar LHÍ, í samstarfi við Þjóðleikhúsið.

Næstu sýningar

  • Engin sýning framundan