Forsíðumyndir

70 ára afmæli Þjóðleikhússins

Þjóðleikhúsið fagnar 70 ára afmæli á þessu leikári, en Þjóðleikhúsið var vígt sumardaginn fyrsta 20. apríl árið 1950.

Ekki fleiri gestir í 40 ár

Leiksýningar Þjóðleikhússins gengu einstaklega vel á liðnu ári, og hefur fjöldi gesta í Þjóðleikhúsinu ekki verið meiri í 40 ár. Alls sáu rétt tæplega 118.000 manns sýningar leikhússins. 36 sýningar af ólíku tagi voru á fjölunum, en þar af voru 9 sýningar fyrir börn og unglinga.

Aðgengi vegna framkvæmda

Vegna gatnaframkvæmda við Hverfisgötu eru tálmanir við aðalinngang Þjóðleikhússins. Við bendum gestum á að aðkoma bíla verður um Lindargötu, norðanmegin við húsið, á meðan á framkvæmdum stendur.

Einar Kárason flytur Stormfugla

Einar Kárason er einn vinsælasti rithöfundur þjóðarinnar. Hér flytur hann okkur magnaða sögu sem hann gerði skil í bók sinni Stormfuglum sem kom út árið 2018. Stormfuglar er áhrifamikil saga um örvæntingarfulla baráttu íslenskra sjómanna við miskunnarlaus náttúruöfl, á síðutogara sem lendir í aftakaveðri.