Þjóðleikhússtjóri er stjórnandi leikhússins. Hann stýrir leikhúsinu samkvæmt samþykktri starfs- og fjárhagsáætlun og ber ábyrgð á starfsemi þess og rekstri, bæði listrænum og fjárhagslegum.

Framkvæmdastjóri vinnur með leikhússtjóra að rekstrarlegri áætlanagerð og skipulagi starfseminnar í samráði við deildarformenn og aðra stjórnendur. Hann fer með starfsmannamál og annast samningagerð í umboði leikhússtjóra.

Listasvið:

Þjóðleikhússtjóri stýrir starfi á listasviði. Undir listasvið heyrir leiklistarráðunautur, listrænir stjórnendur og höfundar, leikarar og annað sviðslistafólk, auk fræðslustjóra og forstöðumanns barnastarfs. Undir listasvið heyrir einnig listráð og bóka- og gagnasafn leikhússins.  

Framkvæmdasvið:

Framkvæmdastjóri stýrir starfi á framkvæmdasviði. Undir framkvæmdasvið heyrir fjármálastjóri, yfirbókari og launafulltrúi. Undir framkvæmdasvið heyrir einnig rekstur hússins og öryggismál, lagerhald, bakdyravarsla, mötuneyti og þrif.

Markaðsdeild:

Deildarstjóri markaðsdeildar ber ábyrgð á markaðs- og kynningarmálum leikhússins. Á markaðsdeild starfa auk markaðsstjóra, kynningarfulltrúi, móttöku- og miðasölustjóri og starfsfólk í miðasölu, veitingasölu og þjónusturýmum.

Sýningadeild - skipulag/verkefnastjórn/sýningastjórn:

Deildarstjóri sýningadeildar hefur yfirumsjón með skipulagi og áætlanagerð vegna æfinga og sýninga í húsinu. Á sýningadeild starfa auk deildarstjóra sýningastjórar og skipta þeir með sér verkefna- og sýningastjórn.

Sviðstæknideild - leiksvið, leikmyndir og leikmunir:

Tæknistjóri er deildarstjóri sviðstæknideildar. Hann hefur umsjón með útfærslu, vinnslu og uppsetningu leikmynda og viðhaldi aðstöðu og búnaðar á leiksviðum hússins og geymslum.  Á sviðstæknideild starfa auk tæknistjóra sviðsstjóri, vaktstjórar og sviðsmenn, auk deildarstjóra og starfsmanna á leikmunadeild.

Raftæknideild - ljós/hljóð og myndvinnsla:

Deildarstjóri hefur yfirumsjón með skipulagi vinnu vegna lýsinga, og mynd- og hljóðvinnslu. Raftæknideild skiptist í ljós-, hljóð- og myndvinnslu, en á deildinni starfa auk deildarstjóra ljósameistarar, deildarstjóri hljóðdeildar og hljóðmeistarar.

Búninga- og leikgervadeild:                                                                                         

Deildarstjóri búningadeildar sér um útfærslu, snið og saumun á búningum. Á búningadeild starfa auk deildarstjóra starfsmenn á saumastofu. Deildarstjóri leikgervadeildar hefur yfirumsjón með útfærslu og vinnu við hönnun leikgerva. Á leikgervardeild starfa auk deildarstjóra hárgreiðslumeistarar og hárkollugerðar- og förðunarmeistarar.

Ársskýrsla 2010