Lilja Nótt Þórarinsdóttir útskrifaðist frá Leiklistardeild LHÍ vorið 2009. Hún lék í kvikmyndunum Strákarnir okkar og Reykjavík-Rotterdam áður en hún lauk námi, sem og í sjónvarpsþáttunum Rétti og Ástríði. Lilja hefur einnig tekið þátt í ýmsum verkefnum á leiklistarhátíðunum Art Fart og Lókal, og í uppsetningu leikhópsins Vér morðingjar á Bubba kóngi. Fyrsta verkefni Lilju hér í Þjóðleikhúsinu er Brennuvargarnir, en hún mun einnig leika í Gerplu og Íslandsklukkunni á þessu leikári.