Umræður um Loddarann í kvöld

17. maí 2019

Boðið verður upp á umræður eftir 6. sýningu í kvöld með þátttöku listamanna

Að vanda býður Þjóðleikhúsið áhorfendum upp á umræður eftir 6. sýningu á Loddaranum í kvöld. Leikarar í sýningunni munu taka þátt ásamt þýðanda verksins, Hallgrími Helgasyni, en allur texti verksins er á bundnu máli.

Gagnrýnandi Fréttablaðsins, Sigríður Jónsdóttir, gaf sýningunni fjóra og hálfa stjörnu og sagði: "Ein af albestu leiksýningum ársins."

Umræður fara fram strax að sýningu lokinni og taka um 20 mínútur.