Menu
logo
Mið-Ísland í Kjallaranum
Mið-Ísland í Kjallaranum

Mið-Ísland í Kjallaranum

eftir Grínhópinn Mið-Ísland

Um sýninguna

Uppistandssýningar Mið-Íslands hafa slegið í gegn í Þjóðleikhúsinu og fyllti hópurinn hverja sýninguna á fætur annarri á síðasta leikári. Nú eru þeir komnir aftur í hinn eina sanna Þjóðleikhúskjallara en vandfundinn er sá salur þar sem hægt er að mynda betri uppistandsstemningu. Um er að ræða tveggja klukkustunda skothelda hláturdagskrá þar sem fram koma Ari Eldjárn, Bergur Ebbi, Björn Bragi og Dóri DNA. Kynnir er Jóhann Alfreð.

 

Um fyrri sýningar Mið-Íslands:
"Dásamlega skemmtilegt. Pissaði næstum í mig af hlátri." Helga Braga Jónsdóttir, leikkona

"Ekki veit ég hvernig samningurinn sem Mið-Íslandshópurinn hefur gert við grínguðina hljóðar í smáatriðum en hann hlýtur að vera besti díll Íslandssögunnar því á sviði finnst ekki fyndnara lið." -Kjartan Guðmundsson, blaðamaður á Fréttablaðinu.

 "Án djóks, besta uppistand á Íslandi síðan Ég var einu sinni nörd" - Steindi Jr. grínisti

 "Fór með stórum vinkonuhóp og við náðum varla andanum af hlátri. Mæli með Mið-Íslandi - hiklaust!" -Hildur Sigurðardóttir, eigandi Reykjavík Letterpress

 "Mér leið eins og ég væri í Las Vegas en ég var bara á Hverfisgötunni." Lóa Hjálmtýsdóttir, söngkona í FM Belfast

 "Það fæst alveg sérstakt sjónarhorn á þjóðarsálina við að hlusta á uppistandskrakkana í Mið-Íslandi. Í kvöld sátum við í fullum sal þar sem Mið-Ísland steig á stóra svið Þjóðleikhússins og veltumst eiginlega um af hlátri." sr. Kristín Þóra Tómasdóttir og sr. Árni Svanur Daníelsson (arniogkristin.is)

 "Ef ekki væri Mið-Ísland þá væri bara austur-Ísland og vestur-Ísland og mikill rígur þarna á milli." -Þorsteinn Guðmundsson, grínisti.

 "Þetta er ótrúlegt! Þeir eru í fötunum allan tímann og ekki að blanda ógeðsdrykki en samt eru þeir hrikalega fyndnir." Auðunn Blöndal, fjölmiðlamaður

Ef hláturinn lengir lífið stefnir Mið-Ísland að ódauðleika!




Verð

Verð: 2500 kr.

Lengd sýningar

 

Hvar og hvenær

Frumsýning:
02.03.2011 
Svið:
Stóra sviðið 

Aðstandendur

Sýningardagar

Hér koma sýningardagarnir...

Myndasafn