Nýtt íslenskt leikrit um leik og veruleika, sannleika og lygar.

Sýningin er ekki við hæfi barna.

Segðu mér satt er nýtt leikrit eftir Hávar Sigurjónsson. Það fjallar um eldri hjón, leikara, sem lokast hafa inni í leikhúsi ásamt fullorðnum syni sínum sem er í hjólastól. Þau máta sig við ótal hlutverk í uppgjöri við fortíðina, en í meðförum þeirra er hugtakið sannleikur afar loðið. Smátt og smátt missa þau tökin þar til skilin milli "leiks og veruleiks" mást út og grímulaus grimmdin ríkir. Kynusli, lygar og fjöldinn allur af morðum í þessu tragíkómíska verki.

Leikstjórn: Heiðar Sumarliðason. Tónlist: Svavar Knútur. Dramatúrg: Bjartmar Þórðarson. Leikmynd og búningar: Kristína R. Berman. Lýsing: Magnús Arnar Sigurðarson.

Leikarar: Árni Pétur Guðjónsson, Ragnheiður Steindórsdóttir, Sveinn Ólafur Gunnarsson.

Leikfélagið Geirfugl í samstarfi við Þjóðleikhúsið. Sýningin er styrkt af Mennta- og menningarmálaráðuneytinu.

Frumsýning í Kúlunni 7. febrúar.

Lengd: 90 mínútur. Ekkert hlé.