Menu
logo
Ég vil frekar að Goya haldi fyrir mér vöku en einhver djöfulsins fáviti
Ég vil frekar að Goya haldi fyrir mér vöku en einhver djöfulsins fáviti

Ég vil frekar að Goya haldi fyrir mér vöku en einhver djöfulsins fáviti

eftir Rodrigó García

Um sýninguna


Frumlegt og ögrandi samtímaverk. 


“Eina sem ég get gert er að velja: kveljast, eða hætta þessu og taka í höndina á einhverjum gaur í Mikka Mús búningi í Disneylandi og trúa honum og treysta fyrir sorgum mínum og sigrum meðan hann svitnar í múnderingunni.”

Maður á barmi sálræns hengiflugs vegna fjölskylduaðstæðna, efnahags- og tilvistalegrar krísu, ræðst á tilgangsleysi lífsins. Líf sem einkennist af efnishyggju samtímans. Hann skipuleggur æðisgenginn flótta frá skilyrtu samfélagi ásamt tveimur ungum sonum sínum. Hann ætlar að taka út ævisparnaðinn. Hann ætlar að brjótast inná Pradó listasafnið í Madríd og eyða einni nótt með listaverkum Goya. Synir hans vilja frekar fara í Disneyland, París.

Verkið dregur upp sterka mynd af manni sem öskrar á óréttlæti kerfisins. Örvæntingarfullt öskur runnið undan áhrifum efnhagskreppunnar og er verkið grimm gagnrýni á andvaraleysi nútímans. Einhversstaðar hlýtur að leynast boðskapur, siðferðislega sómasamlegur boðskapur, vel falinn, djúpt í hringiðu reiði sem vill brjótast út og segja okkur sögu. Sögu af aftengdum, miðaldra einstaklingi sem situr fastur í þjóðfélagi sem er andlega og efnislega gjaldfallið.


Í samstarfsi við: ST/una

Verð

Verð: 4500 kr.

Lengd sýningar

0 klst. 40 mín. 

Hvar og hvenær

Frumsýning:
15.10.2016 
Svið:
Kúlan 

Aðstandendur

Sýningardagar

Hér koma sýningardagarnir...

Um höfundinn

Rodrigo Garcia er argentínskur rithöfundur og leikstjóri fæddur 1964. Hann hefur búið og starfað í Madrid frá árinu 1986.

Frá 1989 hefur hann starfrækt sinn eigin leikhóp, La Carniceria Teatro / Slátraraleikhúsið og notað hann sem vettvang fyrir tilraunakenndar leiksýningar og uppfærslu sínar i Frakklandi og á Spáni. Eftir hann liggur fjöldi verka þ.m.t. La historia de Ronald el payaso de McDonalds (The history of Ronald the McDonald’s clown, 2002); Compré una pala en IKEA para cavar mi tumba (I bought a spade at Ikea’s to dig my grave, 2003); Cruda. Vuelta y vuelta. Al punto. Chamuscada (Very Rare, Rare, Medium, Burned, 2007); Versus (2009) og Muerte y reencarnacion en un cowboy (Death and reincarnation as a cowboy, 2009).

Ég kysi frekar að Goya héldi fyrir mér vöku en einhver annar fáviti var frumsýnt í Berliner Schaubühne árið 2011 og í Gate Theater í London árið 2014.

Kitla

Myndasafn