Les Misérables
Vesalingarnir

eftir Alain Boublil og Claude-Michel Schönberg
byggt á skáldsögu Victors Hugo

Einn áhrifamesti söngleikur allra tíma í flutningi framúrskarandi listamanna

Vesalingarnir, einn allra vinsælasti söngleikur leikhússögunnar, mun öðlast á nýjan leik líf á fjölum Þjóðleikhússins í flutningi einvala liðs leikara og söngvara.

Söngleikurinn var frumfluttur í London árið 1985 og tveimur árum síðar sýndi Þjóðleikhúsið hann á Stóra sviðinu við frábærar undirtektir. Vesalingarnir hafa verið sýndir samfellt í London frá frumsýningu, auk þess sem söngleikurinn hefur verið settur upp um allan heim. Nú er komið að því að við fáum að njóta hans að nýju á Stóra sviði Þjóðleikhússins í nýrri uppsetningu.

Söngleikurinn Vesalingarnir er byggður á hinni frægu skáldsögu Victors Hugos sem gerist í París á fyrri hluta 19. aldar. Við fylgjumst með baráttu Jeans Valjeans fyrir því að hefja nýtt líf úti í samfélaginu, en hann hefur þurft að sitja árum saman í fangelsi fyrir smávægilegt brot. Örlög hans tengjast miklum samfélagslegum hræringum og lífi fjölda fólks. Við kynnumst hinum útskúfuðu, fátæklingum, vörðum laganna, vændiskonum, verkafólki, útsmognum smáglæpamönnum, stúdentum og byltingarsinnum. Og við skyggnumst undir yfirborðið og fáum innsýn í þjáningar þessa fólks, vonir og ástir, og baráttu þess fyrir betra lífi.

Tónlistin í Vesalingunum er ægifögur og áhrifamikil og í sýningunni kemur saman einstaklega öflugur hópur tónlistarflytjenda. Með hlutverk Jeans Valjeans fer Þór Breiðfjörð, sem hefur vakið mikla athygli í söngleikjum á West End í London, en auk hans tekur nú í fyrsta sinn þátt í leiksýningu hér í Þjóðleikhúsinu Eyþór Ingi Gunnlaugsson í hlutverki Maríusar. Fjölmargir aðrir framúrskarandi leikarar og söngvarar koma fram í sýningunni, studdir af stórri hljómsveit.

Þjóðleikhúsið og Endurmenntun HÍ standa fyrir námskeiði um Vesalingana í tengslum við sýninguna, sjá nánar á endurmenntun.is.

Þjóðleikhúsið

samkvæmt samkomulagi við CAMERON MACKINTOSH

kynnir

nýja sviðsetningu á

söngleik eftir BOUBLIL og SCHÖNBERG

VESALINGARNIR

LES MISÉRABLES

Söngleikur eftir ALAIN BOUBLIL og CLAUDE-MICHEL SCHÖNBERG

byggður á skáldsögu eftir VICTOR HUGO

Tónlist eftir CLAUDE-MICHEL SCHÖNBERG

Söngtextar eftir HERBERT KRETZMER

Upprunalegt handrit á frönsku eftir ALAIN BOUBLIL og JEAN-MARC NATEL

Viðbótarefni eftir JAMES FENTON

Útsetningar eftir JOHN CAMERON

Leikstjórn: Selma Björnsdóttir
Tónlistarstjórn: Þorvaldur Bjarni Þorvaldsson
Leikmynd: Finnur Arnar Arnarson
Búningar: María Ólafsdóttir
Sviðshreyfingar: Kate Flatt
Lýsing: Lárus Björnsson og Ólafur Ágúst Stefánsson
Aðstoðarmaður leikstjóra: Stefán Hallur Stefánsson
Þýðing: Friðrik Erlingsson

Leikarar:

Þór Breiðfjörð, Egill Ólafsson, Valgerður Guðnadóttir, Þórhallur Sigurðsson, Margrét Vilhjálmsdóttir, Jóhannes Haukur Jóhannesson, Eyþór Ingi Gunnlaugsson, Arnbjörg Hlíf Valsdóttir, Vigdís Hrefna Pálsdóttir.
Atli Þór Albertsson, Baldur Trausti Hreinsson, Bjarni Snæbjörnsson, Edda Arnljótsdóttir, Eggert Þorleifsson, Friðrik Friðriksson, Heiða Ólafsdóttir, Hilmir Jensson, Jana María Guðmundsdóttir, Margrét Eir Hjartardóttir, Orri Huginn Ágústsson, Ragnheiður Steindórsdóttir, Þórunn Arna Kristjánsdóttir, Ævar Þór Benediktsson

Börn: Hrefna Karen Pétursdótir / Halldóra Elín Einarsdóttir, Elva María Birgisdóttir / Agla Bríet Gísladóttir, Ari Páll Karlsson / Valgeir Hrafn Skagfjörð

Aðlögun og leikstjórn frumuppfærslu í London

TREVOR NUNN og JOHN CAIRD

Sýningarréttur: Josef Weinberger Ltd fyrir hönd Music Theatre International og CAMERON MACKINTOSH LTD

Frumsýning á Stóra sviðinu í lok febrúar.