Sprellfjörug sýning fyrir alla fjölskylduna byggð á geysivinsælum bókum.

Átta ára gleðisprengjan Fíasól er drottning í sínu eigin, risastóra hugmyndaríki. En stundum fljúga hugmyndirnar svo hátt að hún missir þær út í vitleysu....

Fíasól í Hosiló er sprellfjörug sýning fyrir alla fjölskylduna byggð á hinum geysivinsælu og margverðlaunuðu bókum Kristínar Helgu Gunnarsdóttur um flækjuhausinn Fíusól. Fíasól býður áhorfendum heim í Hosiló til sín og alla leið inn í hræðilega ruslahauginn sem er herbergið hennar. Við kynnumst fjölskyldunni hennar, besta vininum honum Ingólfi Gauki, bláu skrímslunum í gluggakistunni, draugunum undir rúminu og svo er eins gott að lyfta fótunum svo Sigmundur netþjónn komist að með töfraryksuguna sína!

Sýningin sprettur úr alíslenskum veruleika og á örugglega eftir að kitla hláturtaugar og snerta hjartastrengi barna sem fullorðinna, rétt eins og bækur Kristínar Helgu hafa gert á undanförnum árum.

,,Það er nauðsynlegt fyrir mömmur og pabba að eiga börn svo þeim leiðist ekki.”

Titillag sýningarinnar Halló Fíasól